Градзінскі Хаім Ойзер (1863, мястэчка Іўе ‒ 1940), яўрэйскі рэлігійна-грамадскі дзеяч, галахіст і рэлігійны дзеяч Польшчы ў міжваенны перыяд.
Нарадзіўся ў сям’і іўеўскага равіна. У 15 гадоў Хаім пачаў вучыцца ў Валожынскай яўрэйскай іешыве. Сярод яго настаўнікаў ‒ вядомы рэлігійны дзеяч Хаім Салавейчык.
У 1885 годзе малады чалавек заняў месца віленскага равіна.
У 1887 г. прызначаны дыянам у Вільні. Адзін з ініцыятараў склікання віленскай канферэнцыі (1909), якая заснавала артадаксальную арганізацыю “Кнесет Ізраіль”, што змагалася супраць свецкай адукацыі, за рэлігійнае выхаванне на торы і талмудзе. Распрацоўваў талмудычнае права і рытуалы, выдаўшы кнігу “Ахізер” Т. 1‒3 (Вільня, 1925, 1939). Быў духоўным лідэрам артадаксальнага яўрэйства ў “Літве”. Вялікая рукапісная спадчына загінула падчас II сусветнай вайны.
Пры падрыхтоўцы выкарыстаны матэрыялы:
-
Градзінскі Хаім Ойзер // Людзі культуры і мастацтва Іўеўшчыны : інфармацыйны бюлетэнь / складальнік Т. І. Грыкень. — Іўе. — 2012. — С. 9.
-
Знаменитые евреи Ивьевщины // Проект «Административный регион Беларуси — организация соотечественников за рубежом» / [Ивьевский районный исполнительный комитет, отдел идеологической работы, культуры и по делам молодежи]. — Ивье. — 2015. — С. 17—19.