Русский БелорусскийАнглийскийНемецкийЛитовскийПольскийУкраинский

Государственное учреждение культуры

Ивьевская районная
Библиотека

Адрес: 231337, Республика Беларусь,
Гродненская обл., г. Ивье, ул. 1 Мая, 4

Режим работы

Телефон: + 375 (1595) 69912
+ 375 (1595) 69913

E-mail: info@ivie-lib.by

Menu
Close
Skip to content

Базы дадзеных

• Лес гэтых вядомых у Беларусі і па-за яе межамі людзей звязаны з нашай малой радзімай: яны нарадзіліся або доўгі час жылі на Іўеўшчыне. Таленавітыя пісьменнікі, мастакі, артысты, вучоныя, святары, спартсмены, ганаровыя грамадзяне горада – Іўеўская зямля багата на выдатных асоб.
На старонках краязнаўчай базы дадзеных “Знакамітыя землякі”, работа над якой пачалася ў 2016 годзе, змяшчаецца біяграфічная, фактаграфічная і бібліяграфічная інфармацыя, якая датычыцца вядомых землякоў, шмат цікавых фактаў: дасягненні вядомых людзей, гісторыі з жыцця і г.д. Матэрыялы дапоўнены фатаграфіямі, электроннымі дакументамі (электронныя копіі артыкулаў з газет і часопісаў) і відэазапісамі (пры іх наяўнасці). Пошук інфармацыі ажыццяўляецца па персаналіях, размешчаных у алфавітным парадку.
Мы па меры сваіх магчымасцяў будзем пашыраць першапачатковы спіс знакамітых людзей Іўеўскага краю, дапаўняць звесткі.
Звяртаемся за дапамогай да ўсіх, хто валодае дакладнай інфармацыяй пра нашых землякоў і жадае прыняць удзел у папаўненні (удакладненні) прадстаўленай базы дадзеных.

 

 


• Іўеўшчына – зямля з багатай шматвяковай гісторыяй. Сведчаннем гістарычных падзей, якія адбываліся тут у розны час і пакінулі пэўны след, з’яўляецца наяўнасць на тэрыторыі Іўеўскага раёна мноства помнікаў і памятных месцаў.  Старажытныя курганы і руіны замка Гаштольдаў у Геранёнах, палац Умястоўскіх, помнікі культавага дойлідства…  – нам ёсць што захоўваць і ёсць чым ганарыцца.

Інфармацыйны рэсурс “Помнікі  гісторыі  і  культуры Іўеўскай зямлі” – камбінаваная база дадзеных краязнаўчай тэматыкі, створаная ў 2018 годзе.

Пры падрыхтоўцы базы дадзеных выкарыстаны як бібліяграфічныя, так і паўнатэкставыя матэрыялы, дакументы з фондаў ДУК “Іўеўская раённая бібліятэка”, а таксама з асабістых архіваў мясцовых краязнаўцаў. Выкарыстаны некаторыя фотаздымкі і публікацыі з вольных крыніц сеткі Інтэрнэт.

Запрашаем карыстальнікаў, якія цікавяцца гісторыяй нашага краю, пазнаёміцца з  рэсурсамі базы дадзеных. Па меры паступлення новай інфармацыі раздзелы будуць дапоўнены.

Будзем вельмі ўдзячны за дапамогу ва ўдасканаленні інфармацыі (заўвагі, прапановы, невядомыя звесткі з гісторыі Іўеўшчыны, архіўныя дакументы і фотаздымкі).

 

 


• З мэтай захавання рэгіянальнай гісторыі і культуры, актывізацыі краязнаўчай і даследчай работы; папулярызацыі гісторыі роднага краю сярод насельніцтва, выкарыстання краязнаўчай інфармацыі ў вучэбнай, выкладчыцкай і культурна-асветніцкай дзейнасці ў 2021 годзе створаны электронны краязнаўчы даведнік “Жамыслаўль”.

Жамыслаўль – гэта аграгарадок у складзе Суботніцкага сельсавета Іўеўскага раёна Гродзенскай вобласці. Асноўнай славутасцю мясцовасці з’яўляецца палацава-паркавы комплекс Умястоўскіх – помнік сядзібна-паркавай архітэктуры XVIII–XIX стагоддзяў, які ўнесены ў Дзяржаўны спіс гісторыка-культурных каштоўнасцей Рэспублікі Беларусь. Ён з’яўляецца паменшанай копіяй палаца з варшаўскага сядзібна-паркавага комплексу Лазенкі, рэзідэнцыі польскага караля Станіслава Аўгуста Панятоўскага, і лічыцца адным з самых прыгожых радавых маёнткаў нашай краіны.

Матэрыялы электроннага даведніка прадстаўлены на беларускай мове і згрупаваны па раздзелах: “Аб рэсурсе”, “Гісторыя. Падзеі. Асобы”, “Палацава-паркавы комплекс Умястоўскіх”, “Касцёл Святога Уладзіслава”, “Галерэя”, “Знаёмыя-незнаёмыя землякі”, “Жамыслаўль у дакументах”.

Пры падрыхтоўцы электроннага рэсурса “Жамыслаўль” выкарыстаны як бібліяграфічныя, фактаграфічныя, так і паўнатэкставыя матэрыялы, дакументы з фондаў ДУК “Іўеўская раённая бібліятэка”, а таксама з асабістых архіваў мясцовых краязнаўцаў. Таксама выкарыстаны некаторыя фотаздымкі і публікацыі з вольных крыніц сеткі Інтэрнэт.

Электронны краязнаўчы даведнік “Жамыслаўль” разлічаны на ўсіх, хто цікавіцца гісторыяй і культурай роднага краю.

 

 

 

Базы дадзеных

ГУК “Ивьевская районная библиотека”

Адрес: 231337, Республика Беларусь,

Гродненская обл., г. Ивье, 

ул. 1 Мая, 4

Телефон: + 375 (1595) 69912
+ 375 (1595) 69913

E-mail: info@ivie-lib.by

При использовании материалов
сайта гиперссылка на источник обязательна