Русский БелорусскийАнглийскийНемецкийЛитовскийПольскийУкраинский

Государственное учреждение культуры

Ивьевская районная
Библиотека

Адрес: 231337, Республика Беларусь,
Гродненская обл., г. Ивье, ул. 1 Мая, 4

Режим работы

Телефон: + 375 (1595) 69912
+ 375 (1595) 69913

E-mail: info@ivie-lib.by

Menu
Close
Skip to content

Гецэвіч Андрэй Казіміравіч

Гецэвіч Андрэй Казіміравіч нарадзіўся 27 сакавіка 1981 года ў вёсцы Ліпнішкі Іўеўскага раёна Гродзенскай вобласці. У 1987‒1998 гг. вучыўся ў Ліпнішкаўскай СШ. У 2003 годзе скончыў гістарычны факультэт ГрДУ імя Я.Купалы, у 2006 г. ‒ аспірантуру гэтага ж універсітэта. У 2007 годзе абараніў кандыдацкую дысертацыю. Кандыдат гістарычных навук, дацэнт.

У Гродзенскім дзяржаўным універсітэце імя Янкі Купалы працуе з 2005 года, з 2007 года ‒ на кафедры гісторыі Беларусі.

Гецэвіч А.К. прымаў актыўны ўдзел у рэгіянальнай навукова-практычнай канферэнцыі “Іўеўская зямля – сузор’е народаў, рэлігій і культур” (г. Іўе, 15 чэрвеня 2012 года), арганізаванай па ініцыятыве супрацоўнікаў Іўеўскай раённай бібліятэкі ў межах фестывалю нацыянальных культур “Пад адзіным небам”. Удзельнікамі канферэнцыі былі прадстаўнікі Гродзенскага аблвыканкама, кіраўнікі райвыканкама, выкладчыкі Гродзенскага дзяржаўнага ўніверсітэта імя Я.Купалы, святары ўсіх канфесій, краязнаўцы, гісторыкі, землякі з Ізраіля і ўсе тыя, каго цікавіць гісторыя Іўеўскага краю.

Андрэй Казіміравіч з’яўляецца аўтарам і сааўтарам мноства навуковых прац (больш за 30). Асноўныя напрамкі навуковых даследаванняў: палітычная гісторыя Беларусі і Польшчы XIX-XXI стст., гісторыя палітычных партый і арганізацый Беларусі, гісторыя Заходняй Беларусі (1921‒1939 гг.), гістарычнае краязнаўства, генеалогія. Значнае месца сярод публікацый А. К. Гецэвіча займаюць работы, прысвечаныя гісторыі малой радзімы, аграгарадка Ліпнішкі.

Акрамя артыкулаў у навуковых часопісах, Гецэвіч А.К. актыўна публікуе матэрыялы ў навукова-практычных выданнях.

Член Гродзенскай абласной арганізацыі “Беларускі фонд міру”, народны засядацель Вярхоўнага суда Рэспублікі Беларусь.

Гецэвіч А.К. ушанаваны граматамі ўніверсітэта (2011, 2015), аддзела адукацыі Гродзенскага аблвыканкама, Гродзенскага гарадскога Савета дэпутатаў (2016).

У 2021 годзе была выдана манаграфія Андрэя Казіміравіча Гецэвіча “История местечка Липнишки. Часть 1. (1392-1921)”. Кніга прысвечана гісторыі малой радзімы аўтара ‒ аграгарадка Ліпнішкі з канца XIV да пачатку ХХ стагоддзя і адрасавана ўсім, хто цікавіцца краязнаўствам, генеалогіяй. Некалькі экзэмпляраў манаграфіі А.К. Гецэвіч падараваў бібліятэцы-філіялу аг.Ліпнішкі ДУК “Іўеўская раённая бібліятэка”.

Спісак асноўных навуковых прац А.Гецэвіча

Гецэвіч Андрэй Казіміравіч

ГУК “Ивьевская районная библиотека”

Адрес: 231337, Республика Беларусь,

Гродненская обл., г. Ивье, 

ул. 1 Мая, 4

Телефон: + 375 (1595) 69912
+ 375 (1595) 69913

E-mail: info@ivie-lib.by

При использовании материалов
сайта гиперссылка на источник обязательна