Русский БелорусскийАнглийскийНемецкийЛитовскийПольскийУкраинский

Государственное учреждение культуры

Ивьевская районная
Библиотека

Адрес: 231337, Республика Беларусь,
Гродненская обл., г. Ивье, ул. 1 Мая, 4

Режим работы

Телефон: + 375 (1595) 69912
+ 375 (1595) 69913

E-mail: info@ivie-lib.by

Menu
Close
Skip to content

Касцёл Ражджаства Найсвяцейшай Дзевы Марыі аг. Трабы

Першапачатковыя звесткі пра Трабскі касцёл датуюцца яшчэ 1410 годам. Княгіня Марына (Марыянна) Трабская ўпамінаецца як заснавальніца і фундатарка касцёла ў Трабах у 1410 годзе. Звестак пра будынак касцёла не захавалася. Узгадваецца толькі, што касцёл быў пабудаваны ў межах замка.

Менавіта Альбрэхтам Гаштольдам быў у 1534 годзе пабудаваны новы Трабскі рымска-каталіцкі касцёл, як сведчаць аб тым старажытныя візітыўныя акты.

Читать полностью: http://ivyenews.by/novosti/obshchestvo/359-kastsjol-u-trabakh-na-skryzhalyakh-gistoryi.html
При любом использовании материалов активная гиперссылка на ivyenews.by обязательна!

Новы Трабскі рымска-каталіцкі касцёл, як сведчаць старажытныя акты, быў пабудаваны з дрэва ў 1534 годзе па загаду віленскага ваяводы Альбрэхта Гаштольда (унука княгіні Марыны Трабскай). У гістарычных дакументах няма звестак аб тым, як і калі быў знішчаны замак у Трабах, а разам з ім і касцёл. Можна выказаць здагадку, што паколькі ўсе збудаванні былі драўляныя, то яны маглі згарэць у час Паўночнай вайны. Ваколіцы Трабаў захоўваюць памяць аб тых часінах. На паўночным усходзе ад Трабаў, на палогім спуску правага берага ракі Клявы ёсць курганы, якія так і называюцца “шведскія”.

Менавіта з фундацыі Антонія Радзімінскага Францкевіча, які быў старастам у Трабах, у 1786 годзе быў пабудаваны новы драўляны касцёл. 17 чэрвеня Апостальскім Епіскапам дэканам Віленскім і кавалерам Томашам Зянкевічам кансэкраваны ў імя нараджэння Божай Маці. Касцёл быў узведзены на каменным фундаменце з драўлянага сасновага матэрыялу. Акрамя плябаніі і званіцы, візітыўныя акты фіксуюць таксама наяўнасць пры касцёле шпіталя і прытулку для бедных.

На месцы драўлянага храма ў 1900–1905 гадах быў узведзены касцёл з цэглы намаганнямі тагачаснага трабскага святара Паўла Сухоцкага. Усе будаўнічыя матэрыялы для касцёла былі закуплены ў лепшых тарговых дамах Вільні, Рыгі, Варшавы. Сцены новага будынка ўзводзіліся абапал сцен старога драўлянага касцёла. І ўсе пяць год, пакуль будаваўся новы будынак, у старым касцёле адпраўляліся набажэнствы, маліліся вернікі. У будаўніцтве храма прымалі ўдзел як парафіяне, якіх у 1905 годзе налічвалася пяць тысяч, так і запрошаныя майстры.

Сцены новага будынка ўзводзіліся абапал сцен старога драўлянага касцёла. І ўсе пяць год, пакуль будаваўся новы будынак, у старым касцёле адпраўляліся набажэнствы, маліліся вернікі. У будаўніцтве храма прымалі ўдзел як парафіяне, якіх у 1905 годзе налічвалася пяць тысяч, так і запрошаныя майстры.

Читать полностью: http://ivyenews.by/novosti/obshchestvo/359-kastsjol-u-trabakh-na-skryzhalyakh-gistoryi.html
При любом использовании материалов активная гиперссылка на ivyenews.by обязательна!

Касцёл знаходзіцца ў паўднёвай частцы аграгарадка. Помнік архітэктуры неаготыкі. Дзвюхвежавы прамавугольны ў плане храм з 5-граннай апсідай і невялікім трансептам. Асноўны аб’ём накрыты 2-схільным дахам з сігнатуркай над прэсбітэрыем, трох’ярусныя вежы – высокімі шатрамі. Крылы трансепта прылягаюць адначасова да асноўнага аб’ёму і апсіды, накрыты 2-схільнымі дахамі і з трох бакоў завершаны 2-граннымі шчытамі. Сцены рытмічна раздзелены стральчатымі аконнымі праёмамі з гатычнымі пераплётамі і контрфорсамі ў прасценках. У дэкаратыўнай апрацоўцы выкарыстаны аркатурныя і шырынкавыя фрызы, пінаклі.

Высокія і шырокія міжнефавыя аркады на выцягнутых у вышыню слупах падзяляюць унутраную прастору храма на тры нефы, і гэта планіровачная структура вызначыла сіметрычна-восевую трохчастковую кампазіцыю галоўнага фасада. Цэнтральны неф перакрыты стральчатым скляпеннем з распалубкамі, бакавыя — крыжовымі.

У касцёле знаходзяцца абразы пачатку 19 ст. “Маці Божая Вастрабрамская”, “Маці Божая з дзіцем”.

Бібліяграфія:

  1. Багільч, І. Іўеўскі раён / Ірына Багільч // Энцыклапедыя гісторыі Беларусі : у 6 т. Т. 3 / рэдкал. Г. П. Пашкоў (гал. рэд.) і інш. — Мінск : Беларуская энцыклапедыя, 1996. — С. 510—511.
  2. Врублеўскі, В. Гісторыя касцёла ў Трабах / Валянцін Врублеўскі // Iве – Юрацiшкi. — Мінск: А. М. Вараксін. — 2010. — C. 97—99.

  3. Гулидова, В. Вера познается не в мгновение… / В. Гулидова // Іўеўскі край. — 2005. — 23 ліпеня.

  4. Ивьевское Понеманье // Туристическая мозаика Беларуси / А. И. Локотко [и др] ; науч. ред . А. И. Локотко. — Минск : Беларус. навука, 2011. — С. 394—399.
  5. Касцёл Раства Багародзіцы // Збор помнікаў гісторыі і культуры Беларусі. Гродзенская вобласць / рэд. кал. С. В. Марцэлеў і інш. — Мінск : Беларуская Савецкая Энцыклапедыя імя Петруся Броўкі, 1986. — С. 205.

  6. Кулагін, А. М. Каталіцкія храмы на Беларусі: энцылапедычны даведнік / А. М. Кулагін. — Мінск : Беларуская Энцыклапедыя, 2000. — С. 151.

  7. Кулагін, А. М. Каталіцкія храмы Беларусі / А. М. Кулагін. — Мінск : Беларуская Энцыклапедыя імя Петруся Броўкі, 2008. — С. 352.

  8. Лиходедов, В. А. Путешествие во времени / В. А. Лиходедов. — Минск : Звязда, 2013. — С. 82—87.

  9. Махнач, Р. Касцёл у Трабах: на скрыжаванні гісторыі / Р. Махнач // Iўеўскi край. — 2016. — 2 ліпеня (№ 49). — C. 14.

  10. Пракопчык, І. Веліч даўніх вёсак: гісторыя Іўеўшчыны / І. Пракопчык // Іўеўскі край. — 2015. — 17 кастрычніка. — № 79. — С. 6—7.

  11. Рэспублика Беларусь: вобласці і раёны: энцыклапедычны даведнік / аўт.-склад. Л. В. Календа. — Мінск: БелЭн, 2004. — С. 307—309.

  12. Трабскі касцёл // Архітэктура Беларусі: энцылапедычны даведнік. — Мінск: БелЭн, 1993. — С. 468.

  13. Энцыклапедыя гісторыі Беларусі: у 6 т. Т. 6. Кн. 1 / Беларуская Энцыклапедыя ; рэд. кал. Г. П. Пашкоў (гал. рэд.) і інш. — Мінск: БелЭн, 2001. — С. 517.

Касцёл Ражджаства Найсвяцейшай Дзевы Марыі аг. Трабы

ГУК “Ивьевская районная библиотека”

Адрес: 231337, Республика Беларусь,

Гродненская обл., г. Ивье, 

ул. 1 Мая, 4

Телефон: + 375 (1595) 69912
+ 375 (1595) 69913

E-mail: info@ivie-lib.by

При использовании материалов
сайта гиперссылка на источник обязательна