У Афганістане з 1979 па 1989 гады праходзілі службу каля 30 тысяч ураджэнцаў Беларусі. З іх 771 чалавек загінуў. У ліку загінуўшых – 9 выхадцаў з Іўеўскага раёна: Вячаслаў Пятровіч Макуцэвіч, Станіслаў Іосіфавіч Кульніс, Аляксандр Мустафавіч Мухля, Станіслаў Юзэфавіч Мацкевіч, Мікалай Мікалаевіч Рыбакоў, Віталій Генрыхавіч Самакар, Віктар Іосіфавіч Станевіч, Вячаслаў Рамуальдавіч Яковіч, Валерый Нарбертавіч Пятровіч.
У 1996 годзе ў парку на Камсамольскай плошчы г.Іўе быў усталяваны памятны знак “Землякам, якія загінулі ў Афганістане” (адкрыты 26.09.1996 г., скульптар Алісейчык Д.). Гэта першы помнік воінам-афганцам у раённым цэнтры Беларусі.
Помнік выкананы ў выглядзе паўкруглай крэпасной сцяны з чырвонай цэглы з 7 байніцамі, у якіх знаходзяцца імправізаваныя званы-гільзы. Велічная паўкруглая сцяна ўвасабляе Радзіму. А маленькія цаглінкі – людзей. Байніцы – гэта жыцці людзей, якія вырваны з маналіту сцяны.
Перад сцяной – чырвоны гравій (сімвал пралітай крыві загінуўшых) і камяні (увасабленне афганскіх гор). Далей – мемарыяльная пліта з імёнамі іўеўчан, якія загінулі ў Афганістане. Зверху пліты знаходзяцца 2 прыступкі – 1979 і 1989 (годы афганскай вайны), якія вядуць да чорнай пліты – сімвала бессэнсоўнасці и трагізму вайны.
-
Афганистан болит в моей душе / сост. Т.И. Грикень. — Ивье: [Ивьевская районная детская библиотека], 2014. — 19 с.: іл. — Режим доступа: https://ru.calameo.com/read/0049648132fae3f37b0cc.
-
Гулидова, В. Вечная память и слава шагнувшим в бессмертие: 30-летию вывода советских войск из Афганистана посвящается / В. Гулидова // Іўеўскі край. — 2019. — 16 лютага. — № 13. — С. 4.
-
Гулидова, В. И будет душу жечь Афганистан даже в объятиях Родины своей… / В.И. Гулидова // З гісторыі вякоў і пакаленняў Іўеўскага краю: матэрыялы наукова-практычнай краязнаўчай канферэнцыі / пад рэд. І.П. Крэня. — Гродна: ГрДУ, 1999. — С. 212—215.
-
Загінулі ў Афганістане // Памяць: гісторыка-дакументальная хроніка Іўеўскага раёна. — Мінск: БЕЛТА, 2002. — С. 363—365.
-
Они погибли в Афганистане. — Режим доступа: http://ivje.gov.by/ru/pogibli-ru/
- Увековечение памяти защитников Отечества и жертв войн. — Режим доступа: http://ivje.gov.by/ru/uvekovechenie-ru/
