Таленавіты педагог, нястомны даследчык гістарычнага мінулага нашай Бацькаўшчыны, “краязнаўца з Юрацішак” Валянцін Антонавіч Врублеўскі ўсё жыццё прысвяціў роднаму краю, выхаваў не адно пакаленне патрыётаў, апантаных краязнаўствам. Мы ўсе добра ведаем яго гістарычныя нататкі і даследаванні, якія друкаваліся на старонках раённай газеты “Іўеўскі край”, яго кнігі: “Іве-Юрацішкі”; “Гісторыя школы і анамастыка” і іншыя.

Наш зямляк здолеў годна прайсці па жыцці і пакінуў пасля сябе добрую памяць. Для ўсіх, хто жадае даведацца пра яго жыццёвы і творчы лёс, супрацоўнікі аддзела абслугоўвання і інфармацыі Іўеўскай раённай бібліятэкі разам з краязнаўцам А.М. Ігліцкім  падрыхтавалі інфармацыйную брашуру “Гісторык, пісьменнік, асветнік Валянцін Врублеўскі”. Запрашаем наведаць бібліятэку і пазнаёміцца з гэтым выданнем і кнігамі В.А. Врублеўскага.