У бібліятэцы-філіяле г.п. Юрацішкі прайшла акцыя «Гучыць радок з аповесці І. Шамякіна “Пошукі прытулку”», якая ладзілася ў рамках раённага конкурсу “З гісторыі адной кнігі”.

Супрацоўнік бібліятэкі знаёміла наведвальнікаў з гэтым творам Івана Пятровіча Шамякіна, у якім раскрываецца тэма, вельмі важная і блізкая для кожнага чалавека сталага ўзросту – тэма адзіноты і незапатрабаванасці галоўнага героя пасля выхаду на пенсію, пошукі душэўнага прытулку ў чужым акаляючым свеце, сярод незразумелых яму ідэй і людзей. Нягледзячы на даволі песімістычны характар аповесці, чытач разумее, што сутнасць праблемы і яе вырашэнне залежыць ад самаго персанажа: больш важна ўстанавіць гарманічныя адносіны з самім сабой, чым з іншымі людзьмі. Менавіта ўнутраная дысгармонія прыводзіць чалавека да канфлікту з акаляючым светам.

Бібліятэкар прапаноўвала ўдзельнікам акцыі прачытаць услых урыўкі з аповесці і рэкамендавала ўзяць “Пошукі прытулку” Івана Шамякіна для дамашняга чытання.