Журко Ірэна Паўлаўна нарадзілася  01.04.1959 г.  у горадзе Іўе. У 1976 годзе закончыла сярэднюю школу.

Паступіла ў Мінскі інстытут замежных моў. Падчас вучобы прымала актыўны ўдзел ў мастацкай самадзейнасці.
Пасля заканчэння інстытута стала студэнткай Беларускай дзяржаўнай кансерваторыі.

У1988 годзе прынята салісткай (сапрана) у Вялікі акадэмічны Дзяржаўны тэатр оперы і балета Рэспублікі Беларусь.

Узнагароджана дыпломамі шматлікіх конкурсаў. Дыпламант Усесаюзнага конкурсу імя М.Глінкі (1984). Удзельнік Міжнароднага опернага фестывалю “Архіпава запрашае” у Саратаве (1998). Лаўрэат 1 прэміі Міжнароднага конкурсу імя Л.П.Александроўскай (1989). Удзельнік фестывалю опернага мастацтва ў Сопаце (Польшча) (2006).

У рэпертуары творы Вэрдзі, Моцарта, Беліні, Бізэ, Пучыні і іншыя*.

Выступала ў гарадах: Гаага, Амстэрдам, Утрэхт (Нідэрланды) з канцэртнымі праграмамі з твораў І.-С. Баха, Г. Гендэля, В.-А.Моцарта, гастралявала ў Германіі і Іспаніі.

Неаднаразова прымала ўдзел у фестывалях духоўнай музыкі ў Галандыі і Швецыі. У 1996 годзе выканала партыю Аіды ў спектаклі “Аіда” Дж. Вердзі ў оперным тэатры г. Брно (Чэхія).

*Из репертуара И.Журко:

• Графиня — “Свадьба Фигаро”
• Папагена — “Волшебная флейта”
• Леонора — “Трубадур”
• Аида в одноименной опере
• Чио-Чио-сан — “Мадам Баттерфляй”
• Тоска в одноименной опере
• Мерседес — “Кармен”
• Маргарита — “Фауст”
• Сантуцца – “Сельская честь”
• Иоланта в одноименной опере
• Ярославна — “Князь Игорь”
• Катерина Измайлова — “Леди Макбет Мценского уезда”
• Пятая жена — “Синяя Борода и его жены”

Пры падрыхтоўцы выкарыстаны матэрыялы:

• Журко Ірэна Паўлаўна // Людзі культуры і мастацтва Іўеўшчыны : інфармацыйны бюлетэнь / складальнік Т. І. Грыкень. — Іўе. — 2012. — С. 10.