Іван Іванавіч Васюкевіч (5 ліпеня 1955 г., вёска Лугамавічы Іўеўскага раёна Гродзенскай вобласці) – іўеўскі мастак, адзін з аўтараў помніка чатыром канфесіям у цэнтры горада. Яму належыць афармленне глядзельнай залы Дома культуры, малой і вялікай залы пасяджэнняў райвыканкама, дызайн інтэр’еру актавай залы Іўеўскай сярэдняй школы, рэстаўрацыя касцёла ў Дудах і г. д.
Пасля заканчэння 8 класаў Лелюкінскай сярэдняй школы паступіў на вучобу ў прафесійна-тэхнічнае вучылішча будаўнікоў ў г. Мінску.
Сваю працоўную дзейнасць пачаў мастаком-афарміцелем у г. Іўe, цесна супрацоўнічаў з рэдакцыяй газеты “Іўeўcкi край”. Яму належыць сучаснае афармленне назвы газеты i некаторых рубрык.
Першая персанальная выстава мастака адбылася ў Іўеўскім раённым Доме культуры ў 1989 годзе. Напачатку 90-х гадоў І.І. Васюкевіч моцна захапіўся графікай i шмат працаваў у гэтай тэхніцы.
Другая персанальная выстава мастака адбылася ў 1999 г. у мастацкай галерэі г.Ліды.
Творчасць мастака мае шырокі дыяпазон: жывапіс алеем, лінагравюра, экслібрыс, разьба па дрэве; вялікі вопыт рэстаўрацыі харугваў, ікон, іканастасаў i храмаў: касцёла Святых апосталаў Пятра i Паўла, царквы Святога мучаніка Гаўрыіла Беластоцкага (г.Iўe), Свята-Троіцкай царквы (в.Морына Іўеўскага раёна), касцёла Святой Марыі (в.Дуды Іўеўскага раёна). Тэмы сюжэтаў карцін самыя разнастайныя: тэма малой радзімы, Чарнобыльская трагедыя, чэчэнская вайна і іншыя. У графіцы аўтар спрабуе нанава асэнсаваць біблейскія сюжэты, язычніцкія святы, перадаць прыгажосць краявідаў роднай прыроды, нацюрмортаў, абстрактных кампазіцый.
Іван Іванавіч Васюкевіч прымаў удзел у абласных i раённых выставах самадзейных мастакоў, кірмашах (“Аненскі кірмаш” – 2004 г., 2005 г., г.Зэльва; “Траецкі кірмаш” – 2000 г., г.Мінск).
Трэцяя персанальная выстава жывапісу і графікі мастака адбылася ў верасні 2006 года ў Гродзенскім абласным метадычным цэнтры народнай творчасці. Рэтраспектыўная выстава “Сувязь часу” ахоплівала творчыя набыткі аўтара за значны перыяд: прадстаўлены жывапісныя палотны, якім уласцівы сюррэалістычная тэматыка, яркасць фарбаў, кантраснасць, нестандартнае бачанне звычайных рэчаў. Значную частку экспазіцыі складала калекцыя графічных твораў, выкананых тушшу і пяром (“Партрэт жонкі”, “У майстэрні”, “Зерне жыцця”).
У 2008-2010 гг. – персанальная выстава жывапісу і графікі ў раённым Доме культуры.
У 2009 годзе – персанальная выстава “Мой шлях у мастацтва” у Іўеўскім музеі нацыянальных культур.
У 2015 г. Іван Іванавіч Васюкевіч атрымаў Ганаровую грамату райсавета за ўклад у развіццё горада Іўе і раёна.
Творчасць мастака мае шырокі дыяпазон: жывапіс алеем, лінагравюра, экслібрыс, разьба па дрэве; вялікі вопыт рэстаўрацыі харугваў, ікон, іканастасаў і храмаў: касцёла святых апосталаў Пятра і Паўла, царквы святога мучаніка Гаўрыіла Беластоцкага (г. Іўе), Свята-Троіцкай царквы (аг. Морына Іўеўскага раёна), касцёла святой Марыі (в. Дуды Іўеўскага раёна)
У верасні 2015 года у Іўеўскім музеі нацыянальных культур адбылося адкрыццё персанальнай выставы мастака Івана Васюкевіча “Жывыя фарбы”.
26 красавіка 2018 года ў Іўеўскім музеі нацыянальных культур прайшоў творчы вечар-прэзентацыя мастака, прысвечаны Году малой радзімы.
У 2018 годзе маляўнічае пано мастака (шырынёй у пяць метраў і тры метры ў вышыню) са сцэнай купальскіх гулянняў упрыгожыла фае ДУК “Іўеўскі цэнтр культуры і вольнага часу” (ў межах падрыхтоўкі да абласнога фестывалю-кірмашу працаўнікоў вёскі “Дажынкі 2018”).
У студзені 2019 года выстаўка твораў Івана Васюкевіча прайшла ў міні-галерэі “Імгненне” Навагрудскай раённай бібліятэкі. На выстаўцы было прадстаўлена 37 жывапісных і графічных работ.
У 2020 годзе была арганізавана персанальная выстава графікі “Аналітычныя вобразы Івана Васюкевіча” ў аддзеле абслугоўвання і інфармацыі ДУК “Іўеўская раённая бібліятэка”. Мастак прадставіў свае карціны, для якіх характэрны аналітычная тэматыка, яркасць фарбаў, кантраст, нестандартнае бачанне штодзённых рэчаў. Значную частку экспазіцыі склалі графічныя работы, выкананыя тушшу і пяром.
У верасні 2021 года Іван Іванавіч Васюкевіч прыняў удзел у рабоце выставачнага праекта Нацыянальнай бібліятэкі Рэспублікі Беларусь “Сімвалы жыцця”. У экспазіцыі былі прадстаўлены графічныя работы мастака.
Яго работы знайшлі прызнанне ў мастацкай “СТЭП-галерэі” г. Познань; многія палотны знаходзяцца ў прыватных калекцыях ў Iспаніі, Швецыі, Германіі, Pacii, Беларусі.
Пры падрыхтоўцы выкарыстаны:
-
Васюкевіч Іван Іванавіч // Людзі культуры і мастацтва Іўеўшчыны : інфармацыйны бюлетэнь / складальнік Т. І. Грыкень. — Іўе. — 2012. — С. 7.
-
Гулидова, В. Счастливая возможность удивляться и восхищаться малым… / В. Гулидова // Іўеўскі край. — 2015. — 24 октября. — № 81. — С. 4.
- Холяво, И. Ивье — в центре культурной жизни столицы / Ирина Холяво // Іўеўскі край. — 2021. — 22 верасня (№ 71). — С. 4.
- Холяво, И. Краски жизни Ивана Васюкевича / Ирина Холяво ; фото // Іўеўскі край. — 2022. — 28 верасня. — С. 8.