Дзень Перамогі прайшоў на Іўеўшчыне
Дзень Перамогі — свята ўсіх пакаленняў. Кожны з нас у гэты дзень аддае даніну мужнасці і гераізму народа-пераможцы.
9 Мая супрацоўнікі Іўеўскай раённай бібліятэкі прынялі ўдзел у святочным шэсці “Беларусь памятае”, мітынгу памяці і іншых мерапрыемствах Дня Перамогі.
На набярэжнай Іўеўскага возера працавалі фотазоны і “Франтавы кінатэатр”, якія арганізавалі бібліятэкары для прыхільнікаў легендарных фільмаў пра Вялікую Айчынную вайну. У вайсковай палатцы можна было бясплатна паглядзець любімыя шматлікімі пакаленнямі ваенныя кінастужкі.
