Над быстраю Івенкаю стаю,
3 глыбінь вякоў жыцця струменіць ніць.
Я вечнасці імкненне пазнаю
Сярод старых і новых камяніц.
Алег Ігліцкі
Архітэктурныя помнікі роднага краю адлюстроўваюць нашу шматвяковую гісторыю, насычаную знакавымі фактамі і падзеямі. Акрамя культавых збудаванняў на Іўеўшчыне ёсць таксама помнікі сядзібна-палацавай, грамадзянскай архітэктуры. На жаль, многія з іх з цягам часу разбураліся, цярпелі ад войнаў і пажараў. Ад некаторых засталіся толькі рэшткі, руіны… . Гісторыка-культурная спадчына з’яўляецца нашым нацыянальным здабыткам, а яе захаванне – гэта абавязак кожнага з нас і агульная справа ўсяго грамадства.
Іўеўская зямля мае яшчэ шмат таямніц і загадак, якія чакаюць людзей, неабыякавых да гісторыі і культуры тутэйшых мясцін.
