На працягу стагоддзяў на тэрыторыі Іўеўшчыны мірна суіснуюць праваслаўныя і іудзеі, католікі і мусульмане,  якія захоўваюць сваю веру і паважаюць традыцыі іншых рэлігій.

Велічныя храмы розных канфесій – наша агульная культурная спадчына, помнікі культавай архітэктуры. Многія храмы Іўеўшчыны ўвайшлі ў Дзяржаўны спіс гісторыка-культурнай спадчыны Рэспублікі Беларусь. Сярод іх: ансамбль кляштара бернардзінцаў г.Іўе, які ўключае ў сябе Петрапаўлаўскі касцёл, былы жылы корпус і агароджу;  мячэць г.Іўе; касцёл Святога Мікалая; Казіміраўскі касцёл і капліца аг.Ліпнішкі; касцёл нараджэння Найсвяцейшай Дзевы Марыі в. Дуды, касцёл Сымона і Юды-Тадэвуша аг.Лаздуны, комплекс касцёла Святога Уладзіслава аг.Суботнікі, касцёл Нараджэння Найсвяцейшай Дзевы Марыі аг. Трабы, царква Святой Тройцы аг.Морына, Пакроўская царква в.Мікалаева, царква святых апосталаў Пятра і Паўла аг.Трабы.

Прапануем вам пазнаёміцца з некаторымі святынямі Іўеўскай зямлі.