Саянкова Людміла Пятроўна (06.08.1957, в.Ценюкоўшчына Іўеўскага раёна Гродзенскай вобласці) – вядомы беларускі журналіст, кіназнавец, кандыдат філалагічных навук (1990 г.), дацэнт (1994 г.).
Грамадская дзейнасць: член экспертнай камісіі Міністэрства культуры Беларусі, член мастацкага савету аб’яднання дакументальных фільмаў “Летапіс” Нацыянальнай кінастудыі “Беларусьфільм”, член рэдкалегій часопісаў “На экранах”, “Маладосць”. Адказны сакратар навуковога выдання “Журнал белорусского государственного университета. Журналистика. Педагогика”.
У 1979 годзе скончыла факультэт журналістыкі Беларускага дзяржаўнага ўніверсітэта імя У.І. Леніна, у 1985 г. – кіназнаўчы факультэт Усесаюзнага дзяржаўнага інстытута кінематаграфіі (г. Масква). Праходзіла стажыроўку ў Масачусецкім інстытуце тэхналогій і Гарвардскім універсітэце.
У 1985 годзе абараніла кандыдацкую дысертацыю па тэме “Сістэмна-цэласны аналіз фільма ў кінакрытыцы 80-х гадоў” (факультэт журналістыкі МДУ, г. Масква, навуковы кіраўнік – доктар філалагічных навук, прафесар Е. Л. Бондарава).
З 1982 года працуе выкладчыкам кафедры тэорыі і практыкі сучаснай журналістыкі факультэта журналістыкі БДУ.
У 1998 годзе прызначана загадчыкам кафедры літаратурна-мастацкай крытыкі факультэта.
Навуковыя інтарэсы: кінакрытыка як від творчай дзейнасці ў медыясферы; масавая культура і журналістыка; экраннае мастацтва і журналістыка; літаратурна-мастацкая крытыка і арт-журналістыка.
Аўтар вучэбных дапаможнікаў па мастацтве, культуралогіі, шматлікіх навуковых і кіназнаўчых артыкулаў, манаграфій.
Агульная колькасць навуковых публікацый – больш за 150, больш за 500 публікацый у сродках масавай інфармацыі.
У 2022 годзе абараніла доктарскую дысертацыю па тэме “Кінакрытыка ў беларускай журналістыцы: гісторыя, тэорыя, медыяпрактыкі” (факультэт журналістыкі БДУ, г. Мінск, навуковы кансультант – доктар філалагічных навук, прафесар Н. Т. Фральцова).
Узнагароды: неаднаразовы лаўрэат прэмій Беларускага саюза журналістаў, Беларускага саюза кінематографістаў, узнагароджана ганаровымі знакамі – «Выдатнік адукацыі» Міністэрства адукацыі Рэспублікі Беларусь (2004) и «Выдатнік друку Беларусі» Міністэрства інфармацыі Рэспублікі Беларусь (2006), Ганаровай Граматай Савета міністраў Рэспублікі Беларусь (2014). У 2018 годзе – спецыяльны прыз «За вклад в журналистику» Нацыянальнага конкурса друкаваных СМІ «Залатая Літара».
Пры падрыхтоўцы выкарыстаны:
-
Ладуцька, К. Журналісты ў мастацтве / Кастусь Ладуцька // Літаратура і мастацтва. — 2014
- Людмила Саенкова. Территория любви // На экранах. — 2017. ― № 7. ― С. 6
-
Людмила Саенкова: [публикации автора]. — Режим доступа: https://www.sb.by/author/153018-lyudmila-saenkova/
- Саенкова, Л. Жизнь как экзистенциальная драма / Людмила Саенкова // Беларуская думка. — 2012. — № 12. — C. 81—88.
-
“Диаблог. О литературе”. Гость: Людмила Саенкова : [видеозапись]. — Режим доступа: https://www.youtube.com/watch?v=0ALTIihzvlg
-
“Диаблог”. “О прекрасном”. Гости: Людмила Саенкова, Андрей Кутило: [видеозапись]. — Режим доступа: https://www.youtube.com/watch?v=QWoH2lT1P9I
