Сваёй літаратурнай творчасцю і грамадскай дзейнасцю пісьменнік сцвярджаў прыярытэт агульначалавечых каштоўнасцей і захавання духоўна-культурнай спадчыны беларусаў.

Алесь Адамовіч з’яўляецца аўтарам дзясяткаў мастацкіх кніг і навуковых прац. Па яго творах пастаўлены тэатральныя спектаклі, зроблены радыёпастаноўкі, зняты мастацкія фільмы. Найбольш вядомыя творы: “Хатынская аповесць”, “Я з вогненнай вёскі…”, “Карнікі”, “Апошняя пастараль” і “Блакадная кніга”. Ён напісаў кінасцэнарыі да такіх вядомых фільмаў, як “Вайна пад стрэхамі”, “Сыны ідуць у бой”, “Ідзі і глядзі”. Творы Адамовіча перакладзены на 21 мову.

Да юбілею пісьменніка Іўеўская раённая бібліятэка прапануе кніжную выставу. Наведвальнікі выставы маюць магчымасць пазнаеміцца з вядомымі творамі Алеся Адамовіча, а таксама фотаздымкамі і матэрыяламі з фонду бібліятэкі, прысвечанымі жыццёваму і творчаму лёсу пісьменніка.